Lani sem vam pripovedala kak se još negdašne 1957. godine išle z koli i traktori v Veli Lošinj. Kak su se jormari i postele, ladice i sa postelina na kole vozile.Pak iste tak i deca mala i velika,odgajateli i voditeli,pak sa rana tera se mogla bez kvara dva dana ne pokvariti.No to je se nekak prešle i denes deca i vnučad tih istih spiju v tem odmaralištu i leto provode.I si drugi teri su Duga Sela zobrali za svoj dom i oni teri su odnekud drugud tu rado dojdu.Kupaju se na Rovenske i Bolničkem i sekud drugud po celem Velem Lošinju.

Tak vam se ove lete pak 20.7.2014. naša grupa uputila z autobusem v Veli Lošinj.I velike i male,sega skupa nas je 40 došle.Ove lete Bog je odredil pune dežđa pak sme z plaže teri put morali pobeći,ali sme se zate v bazenu kupali na Punte i v đakuziju takaj.Jeden dan sme išle na izlet z brodem.Tak sme v 11 vur seli na brod i krenuli na put za Orude.More je bile tak kak cvetje različka pohitane na jokol.Sakakve ribe i vekše i menše su se pod nogami motale.Mala dečica v čudu su gledela to jato riba i morskog života,dok su vekša z užitkom skakala z broda.Pak na drugem otoku Orjulama v slast smo jeli ribe na žaru i pili vino uz pesmu i šalu.Negde kraj 3 vure sme došli na Ilovik naseljeni otok lošinjskog arhipelaga gde sme spili kavu i pojeli sladoled.Male čez otok sme prešli v cirkvicu na tren zašli mir duše osetili.Drugi dan pred sv.Anu kad sunce je zašle i noć se pojavila krenuli sme gore na breg gde su kres palili.Jogen je gorel,a oko jogna si sme se skupa za ruke prijeli i do komad noći tancali.Pesma nas Dugoselcev se na daleke čula v Velom Lošinju.Tak nam dani pomale prehajaju,v kupanju,šetnji po šume,po stazicami i šetnjicami čez Lošinj gde raslinje i drveće mirise svoje spušta na naša pluća.Saki teri dojde sim će bu na komfor morti prigovoril,ali ove odmaralište uz menšu cenu ima dušu i ima dom.I zate si skupa teri tu jesu i teri su već pune put bili i teri buju tek prvi put došli morame čuvati naše odmaralište za denes i za zutra.

Remenar Nevenka